كعب داير
كعب داير، ع العماير، والحواري والبيوت
رُوْح، تعالى، بوصف حالة، يكتبه أستاذ ياقوت
وامضي واختم، ختم يرسم أعلى رسمة بنكنوت💵😉
ابن مين؟؟، خُد يمين، خَلِّي ابن ذوات يفوت
حق إيه؟ فُوق يا بيه كل حقك كان سكوت
أنت قلت بكل عقلك مستعد هناك تموت!
✍️✍️✍️
في الطابور، بالحضور، حتى لو غيرك مفيش
هقعد أفطَر، لما يكبر، في الزحام هقلب شاويش
هافطر ايه؟ غير باتيه، فول مدمس، بيض، وعيش
أووف ليه؟، تفهم ايه؟ شغلي مش جردل وخيش
هات شهادة، وفي الإعادة، ختم نسر كمان وفيش!
لو تغيب، ابقى جِيب واسطة جامدة عميد في جيش
✍️✍️✍️
مش هابُص في البتاعة، بكرة تيجي بدري ساعة، أصل وقت المشي حان
لسة بدري ايه يا بيه؟ أنت ملة أهلك ايه؟ أنت مش سامع آذان؟
لسة هنصلي ف جماعة، ونختم الأذكار في ساعة، ولا ننقص في الإيمان؟!
حتى لو كان فينا مينا، الاحترام واجب علينا، ونحتكم نفس الميزان
أنت ضد الوحدة ليه؟، فخ ايه بترسم عليه؟، قول ووديك اللومان!
ولا تمشي من سكات، واحنا نمسح اللي فات، والجميع يبقى في امان؟
✍️✍️✍️
جاي بتجري؟، وجيت لي بدري؟، لسة فاضل امضتين 😜
شوف سعاد، أو وداد، بعد منهم شوف حسين
همَ فين؟ ع اليمين، بعد مني بمكتبين
كل واحديمضي منهمبالشمال وكمان يمين
وانزل اجري،عشان تصوركل إمضا ونسختين
لو لقيتهم،يبقى حظَّك، دول أجازة من يومين
آه صحيح، لو تصيح، فاء، وراء،
وقاف وعين 🤯
✍️✍️✍️
.
خواطري
تعليقات
إرسال تعليق