هاتوا اللي بعده
فتحوا الكتاب والذكريات
ستات حارتنا وحيّنا
نبشوا القديم،
جابوا اللي فات،
سيرة جيرانّا وأهلنا
في الصفحة دي،
هنا ع اليمين،
دا فلان دا كان كله هَنا
هنا ع الشمال،
كان جاه ومال،
ونفوذ وعزوة للسما
بعديه يمين،
رشدي الأمين،
بكفاح وقصة مُلهِمة
جنبيه شمال،
عدلي وكمال،
كانوا القضاة والمحكمة
علان يزيد
وفلان يعيد،
وكلام رسائل مرسلة
سرح الخيال
لسنين طوال
أيام ومش فيها أنا
نفس المكان،
ستات كمان،
قاعدين و يِحكوا بالغُنا
مرَّت ساعات،
وأهي صورته جات
كان شاب عايش 100سنة!
وأهو جاله يوم من الأيام
قالوا دا عدّا مِن هِنا
محمود دا اسمه،
مين يقرا وصفه؟
موجود أكيد في الملزمة
كان كله خير،
فاضل يطير ،
وكلام كتير
من كُتره يحتاج له سنة
بس امسحوه
دا كان عبيط
كان فاكر إن البير غويط
وف أخرة الضلمة هَنَا.
.
هاتوا اللي بَعده.
.
خواطري
تعليقات
إرسال تعليق